ტრენინგი: ციფრული რუკების გამოყენება „ჩვენი საქართველოს“ გაკვეთილზე

2026 წლის 20 ოქტომბერს სოხუმის სახელმწიფო უნივერსიტეტში  „განათლება და ახალი ტექნოლოგიების“ პრეზიდენტმა მანანა შეყილაძემ ჩაატარა ტრენინგი თემაზე

„ციფრული რუკების გამოყენება გაკვეთილზე. საგანი „ჩვენი საქართველო“ – V-VI კლასები“.

ტრენინგს ესწრებოდნენ მომავალი მასწავლებლები – როგორც ისტორიის, ასევე განათლების ფაკულტეტის სტუდენტები

ტრენინგზე ნიმუშის სახით წარმოდგენილი იყო ორი რეგიონის – იმერეთისა და აფხაზეთის რუკები.

განიხილეს იმერეთის სამი რუკა – ბუნების ძეგლების, კულტურის ძეგლების და სახლ-მუზეუმების). რუკებს ახლავს შესაბამისი ტესტები და კონტურული რუკები შესაბამისი დავალებებით. ასევე, დამხმარე  მეთოდური მასალა მასწავლებლისთვის.

აფხაზეთის შემთხვევაში დაამუშავეს ორი რუკა: აფხაზეთის ბუნების ძეგლები და აფხაზეთის კულტურის ძეგლები შესაბამისი ტესტებით და კონტურული რუკებით.